KORONADAL CITY-Madinalag-on nga nadakpan sang mga kapulisan ang imported nga mga sigarilyo sa isa ka anti-smuggling operation sa Barangay Central Panatan, Pigcawayan, Cotabato.
Nakuha san g operating team ang 400 ka dalagko nga kahon sang smuggled nga sigarilyo sa sulod sang duha ka 10-wheeler-truck sa diin ginbutang sang mga suspek sa idalom sang mga sako sang uling bilang paagi nga indi makita sang otoridad.
Dugang pa sang kapulisan nga naghalin sa isa ka banwa sa probinsya sang Zamboanga Sibugay sa Region 9 ang mga kontrabando.
Nagdangat naman sa P15.7 milyon ang balor sang nakumpiskar nga mga sigarilyo.
Sa karon, pormal nga nag ginturn-over sang mga kapulisan ang mga nakumpiskar nga imported nga sigarilyo sa Bureau of Customs para sa husto nga pagproseso kag disposisyon.
