KORONADAL CITY -Magahatag sang reward money ang Koronadal City Government sa sin-o man nga makahatag sang impormasyon angot sa mga suspek nga yara sa likod sang pagpamomba sa syudad sang Koronadal.
Sa ekslusibo nga interbyu sang Bombo Radyo Koronadal kay Mayor Peter Miguel may yara sang P100,000 nga reward money nga nagahulat para sa mga makahatag sang impormasyon angot mga suspek kun sa diin, ginahimo na sang kapulisan ang tanan agud mapadasig ang pagdakop sa mga suspek.
Samtang kaangot sini, may yara na sang 2 ka mga suspek ang ila ginatutukan kag may pangalan naman ang mga otoridad apang indi pa nila masapubliko agud indi makaapekto sa dalagan sang imbestigasyon.
Sa subong nakatutok ang gindihon anga taskgroup sa pagpangita sa mga suspek agud nga mapasabat ang mga ini sa ila nga ginhimo.
Samtang, ginapreparar naman ang nagakaigo anga kaso batuk sa mga natumod nga suspek.
Retallation naman sang mga terorista nga grupo ang motibo nga gintumod sang opisyal sa natabo nga pagpamomba sa siyudad sang Koronadal.
Samtang kaangot sini nagpasalamat man ang alkalde sang syudad kay PNP Chief General Oscar Albayalde sa iya nga suporta nga ginpakita sa syudad makaligad ang insidente nga nagapatimaan nga wala ginapabay-an sang PNP ang syudad sang Koronadal.
