KORONADAL CITY– Naglab-ot na sa 1.3 million kilos sang tilapia ang apektado sang kamahong sa banwa sang Lake Sebu, South Cotabato.
Ini ang ginpahayag ni Lake Sebu Municipal Agriculturist Zaldy Artatcho sa interbyu sang Bombo Radyo Koronadal kun sa diin kabug-usan nga 464 ka fish cage operators ang apektado na sang tuman nga pagkalugi nga may yara sang kabug-usan nga 4,994 fish cages.
Ginabulubanta nga nagalab-ot na sa halos P100 million ang balor sang mga tilapia nga naigo sang fish kill sa nasambit nga banwa.
Kaangot sini bangud ginpaidalum na sa state of calamity ang 3 ka brgy sang nasambit nga banwa nga ginakabug-usan sang Brgy. Poblacion, Brgy. Takunel kag Brgy. Bacdulong ginahulat naman ang mangin resulta sang pagsinapol sang mga opisyal sang banwa kag sang probinsya sang South Cotabato kung igapaidalum naman sa State of Calamity ang banwa sang Lake Sebu, South Cotabato.
