-- ADVERTISEMENT --
Nagdangat sa P1 billion ang gin-record nga kahalitan sa sektor sang agrikultura dala sang mga naglabay nga bagyo kag hangin habagat.
Base sa pinaka ulihi nga datus sang National Disaster Risk Reduction and Management Council (NDRRMC), ang pinakaapektado nga rehiyon, amo ang MIMAROPA nga may P739 million pesos nga halit sa pananom.
Nagpangaduha naman ang Region 6 ukon Western Visayas nga yara sa P351 million.
Samtang ikatatlo naman ang Region 9 ukon Zamboanga Peninsula.
Naglab-ot sa 24,000 hectares sang mga tanom, kaangay sang palay kag mais ang naapektuhan kag lapit sa 25,000 nga mga mangunguma ang naigo ang ila pangabuhian.
Bangod sini, nagapadayon nga nagapalab-ot sang bulig ang administrasyon sa mga apektado nga indibidwal.
