-- ADVERTISEMENT --
Ginpagwa na sang Department of Budget and Management (DBM) ang P1-bilyon nga balor sang compensation sang mga biktima sang Marawi seige.
Suno sa DBM nga ang Special Allotment Release Order (SARO) ang para sa 574 benepesaryo.
Naghalin ang nasambit nga pondo sa 2024 General Appropriations Act.
Ginpahayag ni DBM Secretary Amenah Pangandaman nga ang nasabit nga balor kay isa ka tax-free nga madako nga bulig agod magamit sang mga biktima sang Marawi seige.
Madumduman nga sang Mayo 23, 2017 nga ginsulod sang Maute group ang Marawi kung sa diin pipila ka mga residente ang ginhimo nga hostage.
Nagtapos ang kinagamo sang Oktubre sang nasambit nga tuig nga nagbilin sang malapad nga pagkaguba sang mga panimalay.
