KORONADAL CITY – Naglab-ot sa halos 7000 ka fully grown marijuana ukon yara sa kantidad nga P1.3M ang nabunot sang mga otoridad sa pagpanguna sang Philippine Drug Enforcement Agency (PDEA-12) kag kapulisan sang Tampakan sa tri-boundary sang South Cotabato, Sultan Kudarat kag Davao del Sur.
Suno kay Brig. Gen. James Gulmatico, regional police director sang PNP-12, ginpatigayon ang operation sa isa ka remote nga lugar nga nahamtang sa border sang banwa sang Columbio, Sultan Kudarat, Kiblawan, Davao del Sur kag Tampakan in South Cotabato.
Dugang pa sang opisyal nga bangud sa ginpasanyog nga pagmonitor sang kapulisan batuk sa mga indibidwal nga nagapatanum sang illegal nga marijuana nadiskubrihan ini.
Sa karon, ginahibalo pa ang cultivator sang nasambit nga marijuana agud mapasabat sa laye paagi sa pagpasaka sang kaso sa mga ini.
