KORONADAL CITY – Nakigkoordinar na ang Overseas Workers Welfare Administration Region 12 (OWWA XII) sa mga quick response agencies parehas sang DOLE kag embahada sang Pilipinas sa Saudi Arabia para tinguhaon nga mapapuli sa pungsod si Anabelle FLores sa Pilipinas gikan sa pungsod Saudi Arabia nga nalatnan sang Covid-19 sa iya nga amo kag gina-alegar nga gina pagutman kag ginakulong pa sa 3rd floor sang puluy-an sang amu sini.
Ini ang nangin pagpasiguro ni Marilou Sumalinog, OWWA-12 Regional Director sa interview sang Bombo Radyo Koronadal.
Suno sa opisyal, nakaabot na sa ila nga talatapan ang kaso ni Anabelle kag nakahinun-anon naman nila ang pamilya sini angot sa ila nga reklamo kag sa pamaagi nga mahimo nila himoon para madasig nga pagpuli sang nasambit nga OFW.
Gindugang pa sang opisyal, nga apesar makuha nila si Anabelle , indi sa gihapon ini makapauli bangud sa iya nga ginsuprer nga Covid-19.
Sa subong, ginahulat pa sang ila nga talatapan ang sabat sang embahada sa Saudi Arabia para sa mga tikang nga himoon sa pagkuha kay Anabelle agud maluwas ini sa katalagman nga dala sang Covid-19.
