KORONADAL CITY – Wala nagapati ang mga ginikanan sang 16 anyos nga soltero nga naulamid ang ila nga bata sa ilegal nga droga nga nangin kabangdanan suno pa sang overkill nga pagpatay sa iya sang mga otoridad sa banwa sang Tantangan, South Cotabato.
Suno kay Nanay Rosayda, iloy mi alyas Jepoy sa interbyu sang Bombo Radyo Koronadal nga imposible nga may armas ukon droga nga dala si Jepoy bangud dala lang sini ang cellphone, naka short lang kag wala sang suksok nga bayo.
Rason nga nangin tuman ang ila nga kakibot kag pagpangasubo sang nabalitaan nga puno sang igo ang ila nga bata makaligad suno pa nga nagbato sa mga otoridad sa ginpatigayon nga drug buybust operation.
Mangin suno pa ang mister sini ang indi na maistorya bangud sa pagka shock makaligad nabalitaan ang masubo nga balita.
Apisar masakit suno pa, pilit nila nga batunon ang nadangtan ni Jepoy, kadungan kay pangulong Duterte kag PNP nga makaangkon sang maathag kag patas nga imbestigasyon angot sa panghilitabo nga nagluntad.
