KORONADAL CITY – Aminado ang local government unit (LGU) sang Kalamansig, Sultan Kudarat nga apektado sa subong ang ila nga outreach program bangud sa natabo nga engkwentro sa tunga sang mga suldado kag rebelde nga New People’s Army (NPA) sa ila nga lugar.
Sa interbyu sag Bombo Radyo Koronadal kay Kalamansig Vice Mayor Rolando Garcia, kasamtangan sila nga nagapatigayon snag outreach program sa Sitio Aga-aga, Barangay Datu Wasay sang magluntad ang nilukpanay rason nga nagdinalagan ang mga residente kag nagkinagamo tubtob nga wala nadayon ang ila nga aktibidad makaligad nga nagdesisyon sila nga magpauli na lamang.
Madumduman nga 2 suno pa ka NPA ang napatay sa engkwentro kag may mga pilason man samtang wala naman sang maya napatay sa bahin snag mga suldado.
Una naman nga ginpahayag ni Sultan Kudarat Police Provincial Director SSupt Raul Supiter nga samtang nagapatrolya ang mga tinawo sang Marine Battalion Landing Team (MBLT-2) sa lugar sang hinali na lamang ginpalukpan sang mga miembro sang Guerilla Front Committee 73 sang NPA sa pagpamuno ni Tirzo Sakudal alyas Kumander Macmac.
Gilayon naman nga nagbalos sang lupok ang mga suldado kun diin nagdugay sang duha sa oras ang pagkambyuhanay sang lupok sang duha ka bahin.
Nahibaluan nga nagapatigayon sangg extortion activities ang mga NPA sa lugar nga amo naman ang ginakahadlukan sang mga residente.
