KORONADAL CITY – Inid na madayon ang pag usar sang Kabus Padatuon Community Ministry International o KAPA sang protech center nga ginapanag-iyahan sang provincial government sa igapatigayon nila nga orientation para sa mga bag-o nga mga recruit sa palaabuton nga Setyembre 30, 2018.
Suno sa source sang Bombo Radyo Koronadal nga wala nagpakilala, ginmanduan mismo ni South Cotabato Governor Daisy P. Avance Fuentes ang pagkanselar sang booking sang KAPA sa protech center bangud sa mainit nga isyu nga ginakaulamiran sini ilabi na kag may yara sang
advisory halin sa Securities and Exchange Commission (SEC) kag DILG na illegal ang kanilang operasyon.
Nahibaluan nga nakadown na sang katunga ang KAPA sa ila booking sang nakaligad nga semana kun sa diin ang church orientation suno pa ang ila pagahimuon didto.
Bangud sa nasambit nga kanselasyon ginbalhin sang KAPA ang ila orientation sa isa ka pribado nga resort sa syudad sang Koronadal.
Madumduman nga una nga nagpaandam si Governor Fuentes sa mga pumuluyo sa probinsya kaangot sa KAPA nga ginapatihan nga isa ka dako nga investment scam sa Mindanao nga gintukod ni Joel Apolinario.
