KORONADAL CITY- Ginpasa na ang ordinansa nga magadumili sang riding in tandem sa banwa sang Pikit.
Ini ang ginpahayag ni PCol Harold Ramos, Provincial Director sang North Cotabato Police Provincial Office sa interbyu sang Bombo Radyo Koronadal.
Isa ini ka sabat suno pa sa pagresolba sang asud-asud nga insidente sang pagpangluthang , nga kung sa diin lunsay mga riding in tandem ang mga suspek.
Suno sa opisyal, ang ini nga ordinansa ang pagdumili sa “riding in tandem” nga gina duso sang Sangguniang Bayan sang Pikit nga magabyahe sa mga kadalanon.
Kung madumduman, ang ini nga plano ang ginhiwat makaligad ang ila nga public hearing sang naglabay nga adlaw upod ang pipila ka mga opisyal kag mga barangay officials sang 42 ka mga barangay.
Nahibaluan nga nakita na sa CCTV footage ang mga suspek nga yara sa likod sang nasambit nga serye sang pagpaluthang sa Pikit nga kung sa diin ini ang ridinfg in tandem kag sa karon ginahibalu kung diin naka destino ang ini nga mga indibidwal.
