KORONADAL CITY- Ngpatigayon sang Oplan Galugad sa Sultan Kudarat Provincial Jail ang Sultan Kudarat Provincial Intelligence Bureau sa sulod sang mga selda sang mga preso may kaangtanan sa iligal nga aktibidad sa iligal nga droga.
Base kay Bombo Correspondent Larry Geronio, nangin madinalag-on ang nasambit nga Oplan Galugad makaligad makumpiskar ang 16 ka pakete sang shabu kag mga drug paraphernalias sa selda tres kun sa diin ang ginatudlo nga suspek amuh ang ginasiling nga selda mayor nga si Datu Ali Angeles.
Nahibaluan nga madugay na nga ginabantayan sang mga otoridad si Datu Ali bangud sa padayon sini nga iligal nga aktibidad sa sulod sang presuhan.
Madumduman nga sang nakaligad nga semana nagpatigayon man sang Oplan Galugad sa nasambit nga presuhan kun sa diin 2 ka pakete sang shabu ang nakumpiskar.
