KORONADAL CITY – Ginpauntat anay ang operasyon sang YBL sang City Government of Koronadal bangud wala ini sang business permit.
Ini ang ginphayag ni Mayor Eliordo U. Ogena, sang Koronadal sa interbyu sang Bombo Radyo koronadal.
Suno sa alkalde, halin pa sang 2019, wala na naka comply sang business permit ang YBL sa pihak sang apat ka notice of closure kag cease and desist order.
Paathag sang alkalde nga dako nga pagbayolar ini sa Local Local Revenue Code kag Zoning Ordinance sang siyudad, rason agud ipauntat ini.
Ginpaklaro naman sang alkalde nga isa suno pa ka ordinaryo nga tikang ini sang City Government batok sa mga negosyo sa Koronadal nga padayon ang operasyon sa pihak sang wala ini sang business permit.
Nanindugan man ang alkalde nga illegal ang operasyon sang YBL gani ginaawhag sini ang pamunuan sang YBL nga e-settle ang balayran sa siyudad kag mag-comply sang business permit agud liwat makaoperar.
Aminado man ang alkalde nga indi man siya kuntani luyag nga matabo ini apang unfair suno pa sa mga negosyante kag iban nga negosyo sa siyudad nga nagakuha sang permit.
Nagpangayo man ini sang pasaylo sa katawhan nga naapektuhan bangud sa natabo.
Magapabilin naman ang pagpasirado sa terminal sang YBL kag operasyon sini tubtob nga indi sila mag-comply sang business permit.
Dugang pa sang alkalde nga indi nagakaangay ginapili ang pagpatuman sang layi sa Koronadal.
