KORONADAL CITY – Ginpauntat sang National Telecommunications Commission (NTC) ang operasyon sang isa sa mga kontrobersyal nga radio station nga ginaangot sa Kabus Padatoon investment scam.
Base sa NTC, ginsilbi nila ang cease and desist order batok sa 90.7 TopGun Radio Koronadal sa ila pag-ere.
Suno sa nasambit nga waragwagan, pagahikutaron lamang suno pa nila ang pila ka mga papeles agud tigayon nga makabalik sa pag-ere.
Kun madumdoman, ginbuyagyag mismo sa Bombo Radyo ni PBA Partylist Rep. Koko Nograles ang TopGun Radio nga anay Jack Radio bilang radio station sang Kabus Padatoon kag nagapakamalaut sa Bombo kag may pila suno pa ka mga opisyal diri nga naulamid sa nasambit nga investment scam nga kinahanglan imbestigahan kag dapat manabat sa layi.
