KORONADAL CITY- Gintawag ni Koronadal City Mayor Peter Miguel nga isa ka scam kag iligal ang KAPA ukon Kabus Padatu-on sang nagpakilala nga pastor nga si Joel Apolinario nga naga-operate man sa syudad sang Koronadal.
Ini makaligad nga wala sa gihapon nakapakita sang legal nga mga dokumento ilabi na halin sa Securities and Exchange Commission kun sa diin nagpaandam ang alkalde sa mga pumuluyo sa syudad nga indi mag invest kag untaton na ang pag invest sa KAPA.
Ang SEC advisory kag ang DILG memorandum circular ang isa ka klaro nga basehan nga iligal ang operasyon sang KAPA.
Samtang sa pihak nga bahin makaligad nga mapamatud-an nga wala sang mga legal nga dokumento kag indi rehistrado ang KAPA, nakatalana nga magpakig-angot si Mayor Miguel ilabi na sa Philippine National Police kag iban pa nga mga ahensya agud magpatigayon sang mas madalom nga imbestigasyon bangud sa dalagkuan nga balor sang kwarta nga ila ginakolekta halin sa mga investors nga una naman gintawag sang PNP bilang mga willing victims.
Samtang nakatalana man nga padal-an sang 2nd notice of violation sang City Business Permit and Licensing Office ang Kapa at kag suno sa mga opisyal posible ini ipasarado.
