Nagpatigayon sang random drug test ang South Cotabato Provincial Jail matapos sila nakabaton sang impormasyon nga may yara sang aktibidad nga may kaangtanan sa paggamit sang iligal nga droga sa nasambit nga presohan. Sa interview sang Bombo Radyo Koronadal kay Ret. Police Lt. Col. Barney Condes, RN, Jail Warden sang South Cotabato Provincial Jail
Ginapahayg sini nga Onse ka PDLs sa South Cotabato Provincial Jail ang nagpositibo sa iligal nga droga kag ang mga anay jail guards ang ginapatihan nga mga runners sang mga ini . Dugang pa sa iya, ginpatawan naman sang silot ang mga preso nga nagpositibo sa drug test sa diin ginpauntat ang tanan nila nga prebelihiyo kasubong sang pagbaton sang bisita, TESDA training, kag gin-isolate man sila sa ila tagsa ka selda bilang disiplina.
Ginpaathag man ni Condes nga hugot ang seguridad kag inspeksyon sa provincial jail kag gina-checkar sang husto ang tanan nga nagasulod kag nagaguwa sa pasilidad kasubong sang mga empleyado, bisita, kag utilities. Nagpahinumdom man liwat si Condes sa tanan nga jail personnel nga untatan na ang bisan ano nga iligal nga aktibidad sa sulod sang pasilidad. Nagpabutyag man siya sang pahanumdom nga pagasilutan ang sinuman nga madakpan kag posible nga kakason pa sa puwesto kun mapamatud-an nga may kahilabtanan sa mga iligal nga buluhaton sa sulod sang provincial jail.
