Nagpagwa sang mando ang Department of Trade and Industry (DTI) nga nagarequire sa mga online sellers sang household appliances, electronics, kag iban pa nga consumer goods nga magparehistro sa ahensya.
Sa idalom sang DAO 25-02 nga gin-aprubahan sang Pebrero 21, ang mga e-retailers nga nagabaligya sang mga produkto nga nagakinahanglan sang certification pareho sang PS mark ukon ICC kinahanglan magparehistro sa online portal sang Bureau of Philippine Standards BPS.
Ang pagparehistro himuon sa mga phased nga proseso: magsugod sa mga household appliances kag electronics 90 ka adlaw pagkatapos sang mando, kag sunod ang lighting devices, steel products, kag construction materials sa Mayo, kag chemical kag automotive products sa Hunyo.
Ang mga seller nga makakompleto sang requirements makabaton sang Certificate of Online Registration (COR), nga naga-upod sang mga kinahanglanon pareho sang DTI registration kag product certifications.
Kinahanglan siguruhon sang mga e-marketplaces nga ang ila mga seller narehistro, kag ang mga seller nga wala magparehistro pagasuspindihon.
Ang mga digital platforms nga indi mag-comply sa mando pagaatubangon sang penalties kag sanctions.
Ang DTI maga-monitor kag magahimo sang mga aksyon agud masiguro ang pagsunod.
