Ginkontra sang Commission on Elections (COMELEC) ang mga alegasyon nga may panikas ukon “fraud” sa ginpatigayon nga online voting para sa overseas Filipino voters sa Saudi Arabia.
Sa isa ka pahayag, ginpabutyag ni COMELEC Chairman George Erwin Garcia nga wala sang basehan ang reklamo sang mga tawo nga naghambal nga may “pre-shaded” nga mga balota kag may ginatuga nga resulta bisan wala pa sila nakaboto.
Gin-eksplikar pa niya nga ang gin-obra nga “mock ballot” ukon demo ballot sang mga botante, amo ang ginapangbasi sang ila reklamo.
Ginpangabay man sang COMELEC ang publiko nga indi magpakatap sang wala sing basehan nga impormasyon, labi na sa social media.
Sa pihak nga bahin, nagapanawagan ang ahensya nga kung may reklamo, mas maayo nga ipaidalum ini sa pormal nga reklamo kag i-submit sa proper authorities para ma-imbestigaran sang husto.
Ginpanguna sang COMELEC ang transparency kag integridad sa tanang nga proseso sang eleksyon, ilabi na sa bag-o nga teknolohiya pareho sang online voting.
