Ginpasiguro ni Ombudsman Jesus Crispin Remulla nga wala sila nagapa-impluwensya sa ginahimo nga imbestigasyon angot sa flood control scandal.
Sa isang exclusive interview sang Bombo Radyo, ginapahay ni Remulla nga may pila ka abyan siya nga nalakip sa mga gina-akusaran, apang mas-unahon sini ang ikaayo sang pungsod kaysa sa personal nga relasyon.
Madumduman, una niya na ginsapubliko nga gintawagan siya ni anay House Speaker Ferdinand Martin Romualdez agud magpa-athag sa isyu sang budget insertions.
Gani man, ginpabutyag sang Ombudsman nga naka-pokus lang sila sa tuyo sang imbestigasyon kag mahimo gihapon nga pasakaan sang reklamo ang bisan sin-o nga may tuod-tuod nga kahilb-tan sa korapsyon.
Magluwas sa anay House Speaker, may iban pa nga naga-paninguha nga makig-angut sa iya.
Suno kay Remulla, pila sa sini ang personal niya nga kilala, paryente sang abyan, ukon kaupdanan sang kilala.
Ginpasiguro niya nga ang ila nga mga aksyon ibase lang sa ebidensya kag indi sa bisan ano nga hangyo sang sin-o man nga personalidad.
