Bilang kabahin sang iya GUTS World Tour, natalana nga magpadulong sa Pilipinas ang Filipino-American popstar nga si Olivia Rodrigo para sa iya pagahiwaton nga concert sa Philippine Arena sa Oktubre 5,2024.
Sandig sa anunsyo sang Live Nation, magaumpisa ang pagbaligya sang tickets para sa Manila Silver Star Show sa Sabado, Septyembre 14, alas 10 sa aga kag magabalor ini sang P1,500.
Ang malikom naman nga kwarta gikan sa concert ang magakadto sa Fund 4 Good ni Olivia, isa ka global initiative nga komitido sa pagtukod sang masanag kag patas nga bwas damlag para sa mga kababainhan.
Matandaan nga una na nga ginpahayag sang singer nga luyag sini mag-perform sa Pilipinas.
Kilala si Olivia sa iya mga bantog nga kanta kalakip na ang “Drivers License,” “Traitor,” kag “Deja vu”.
