KORONADAL CITY – Ginakabig nga dako nga kawad-an para sa mga OFWs sa pungsod Japan ang pagpanaog sa pwesto ni Prime Minister Shinzo Abe bangud suno pa sa kondisyon sa iya ikaayong lawas.
Sa interbyu sang Bombo Radyo Koronadal kay Bombo correspondent Sally Hernaez, ginpahayag sini nga madamo nga mga kasimanwa naton ang nasubo sa sini nga tikang ni Abe labi na nga madamo man ini sang nahimo nga maayo sa pag-uswag sang pungsod kag ang madasig nga pagsabat sini sa tion nga may nagaluntad nga mga kalamidad.
Sa pihak nga bahin, ginpahayag man sini nga mangin libre suno pa ang pagpabakuna sang Japan sa mga residente sini, makaligad natukiban nga epektibo sa tawo ang bakuna batok sa covid-19 virus.
Nagdumala si Abe sa sulod sang 41 tuig antes nagdesisyon nga magpanaog sa pwesto.
