Padayon nga nagabatyag sang kahadlok, trauma kag kulang sa insakto bangud sa tensyon sa rehiyon.
Ini ang nangin pahayag ni Girlie Compas Bragado, Bombo International News Correspondent sa Kuwait, sa interview sang Bombo Radyo Koronadal.
Suno kay Bragado, padayon ang kahadlok nga nabatyagan nila sa kada adlaw, ilabi na sa tion nga makabati sila sang mga paglupok bangud indi nila mahibaluan kun sa diin magtupa ang mga missiles.
Gindugang pa niya nga may mga datos man sang pag-target sa pila ka mga bangko, airport, fuel tanks kag pila ka residential areas sa Kuwait, nga nagadugang sang paglala sang sitwasyon sa pungsod.
Samtang, ginpahayag man ni Bragado nga ginapriority sa kasamtangan sang gobyerno ang mga OFWs nga “No work, No Pay” bangud sila ang tuman nga apektado sang kinagamo sa rehiyon.
Bangud sini, nagpanawagan si Bragado sa gobyerno sang Pilipinas nga magpatuman sang bastante nga programa kag suporta sa mga magpauli nga mga OFWs bangud suno sa iya, indi madali nga desisyon ang magpauli sa pungsod wala sang bastante nga bulig kag suporta halin sa gobyerno.
Samtang, ginlaygayan man niya ang kasubong niya nga mga OFWs nga tinguhaan maka-tigom sang kwarta agud magpabilin man nga preparado sa mga kalamidad ukon kinagamo.
