Nagapangayo sa subong sang bulig ang isa ka Overseas Filipino Worker (OFW) nga nurse sa bahin sang Saudi Arabia makaligad nga wala ini ma-issuehan sang final exit sa balay-bulungan nga gina trabahuan sini bangud may pending pa suno pa ini nga kaso.
Sa interview sang Bombo Radyo Koronadal kay Rosamie Porras- OFW nurse sa Saudi Arabia, ginpahayag sini nga ginpasakaan ini sang kaso sang iya nga nobyo nga isa ka Syrian national sa diin ginreklamo sini nga naga panakit sa iya sa tion nga naga upod sila nga duha.
Ginpahayag pa sini nga nagreklamo ang iya nga nobyo kag ginkasohan ini sa diin ginapabalik sini ang tanan nga nagasto sa iya samtang naga upod sila.
Dugang pa sini nga sa subong nga tapos na ang iya nga kontrata sa iya gina-trabahuan nga balay-bulungan mangin mabudlay na para sa iya ang pag-guwa sa nasambit nga pungsod bangud sa gin-issuehan ini sang travel ban.
Nagapanawagan naman ini sa Overseas Workers Welfare Administration (OWWA-12) nga buligan ini nga makapuli bangud lapit na nga mag expire ang iya nga IQAMA kag madulayan na ini bangud sa panibag-o nga kaso nga mahimo sini pagapangatubangon.
Temporaryo nman ini nga naga tiner sa accomodation sang ospital nga iya gintrabahuan.
