Isa naman ka Overseas Filipino Worker (OFW) nga ginkilala nga si alyas ‘Bj ‘, yara sa 35 anyos ang pang edaron ang tubtob sa subong yara pa sa state of trauma matapos ginlugos sang mismo nga amo sini sa bahin sang Saudi Arabia.
Ini ang gin kumpirmar ni Nicole Bedtao, Bombo Radyo correspondent sa Saudi Arabia.
Suno kay Bedtao, si alyas ‘Bj’, amo residente sang -Lake Sebu, South Cotabato, ginlugos sang iya amo sa pila ka bes samtang nagatrabaho siya bilang domestic worker.
Dugang pa ni Bedtao nga napaabot man ni alyas ‘Bj’ sa iya sini placement agency ang pagpang-abuso sa iya, apang ginpahambalan lang nga antuson ini.
Dugang pa ni Bedtao, sang ginpatawag sang amo ang ahensya kag plano ipapulis, apang sa baylo nga depensahan siya, ang OFW pa ang ginbasol sang kag ginpasibangdan nga “nang-akit” pa kuno sa amo.
Ginkuha ang iya cellphone, ginsakit sang makapila ka bes, antes pa man ini nakapauli sa Pilipinas.
Suno pa kay Bedtao, antes siya nakasugid sa iya agency, nakapila ka beses na ini ginlugos.
Sa karon, yara sa grabe nga trauma ang biktima kun sa diin nagapakita ini sang kahadlok sa mga lalaki, nagapugong sa pagkaon, kag halus indi mag-istorya.
Ginapanawagan subong sang mga concerned groups kag OFW advocates ang hustisya para sa nasambit nga OFW kag ginapakigbahin man sa mga otoridad ang imbestigasyon batuk sa amo kag sa ahensya nga nagtalikod sa iya kaso.
