KORONADAL CITY– Nagakabalaka sa subong sa iya kabuhi ang isa ka Overseas Filipino Worker sa pungsod Kuwait matapos ini nga makaeksperiesniya sang pagpangmaltrato sang iya nga amo.
Sa mensahe nga ginpalab-ot sa Bombo Radyo Koronadal ni Joan Cagbabanua, 23 anyos nga residente sang Brgy. Cabuling, Banga South Cotabato kag isa ka OFW sa pungsod Kuwait lubos ang kahadlok kag trauma ang nadangtan sini gikan sa pagpang-abuso sang iya amo bangud masami nga mainit ang ulo sini kag wala siya ginatagaan sang sweldo.
Dugang pa sini nga bangud sa nagademand ini sang bug-os niya nga sweldo, ginasakit kag nakaangkong siya sang mga lagub sa lawas.
Matapos sini gindala siya kag ginbaligya sang isa ka agency kun diin sa subong wala suno pa siya sang ihibalo kun ano nga agency ang iya nga nahamtangan sa subong.
Sang nahibaluan nga nakig-angot ini sa Bombo Radyo Koronadal ginapakumpiskar suno pa sa iya ang cellphone sini rason nga nagbilin lamang ini sang mensahe nga irescue ini sa Street no. 32 bldg. 71 door 31 Hawally Faramatar, Kuwait City Kuwait.
