Nagpaalinton ang Office of Civil Defense (OCD) nga maghalong ang publiko sa posible nga pagdaludo sang pyroclastic density current (PDC) humalin sa bulkang Mayon kasunod sang pagkatiphag sang lava dome sa nasambit nga bulkan.
Nagpaandam ang OCD sa padyaon nga pamahog sang pagdaloy sang nagkalain-lain nga volcanic materials kag mga serye sang rockfall matapos matalana ang pagkatiphag sang lava dome.
Kasamtangan nga wala pa sang dugang nga report nga ginpaguwa ang Philippine Institute of Volcanology and Seismology (PHIVOLCS) may kaangtanan sa panibag-o nga pagtiphag, ilabi na sa lapad sang epekto sini sa mga kaiping nga komunidad.
Nagpaalinton man ang PHIVOLCS sa publiko nga maglikaw sa mga lugar nga malapit sa bulkan, samtang, nagpanawagan man ang institusyon nga magpabilin nga alerto kag magsunod sa abiso sang mga awtoridad.
