Nagsaka sa 93 ang numero sang mga napatay sa tropical storm sa Helene matapos gin-report sang isa ka county sa North Carolina ang kamatayon sang 30 ka mga tawo kag padayon ang paghatag sang bulig sa southeastern United States.
Ang amo nga bagyo ang nagbilin sang dako nga kahalitan sa pila ka states lakip na ang Florida, Georgia, North Carolina, South Carolina kag Tennessee, nga nagresulta sa pagbaha kag pagkadula sang kuryente sa minilyon ka mga tawo.
Suno kay Deanne Criswell, administrator sang Federal Emergency Management Agency, dalagko ang damage sa water systems, communication, mga dalanon, critical transportation routes, kag madamo nga pamalay.
Sa report sang AFP, 37 ang napatay sa North Carolina, 25 sa South Carolina, 17 sa Georgia, 11 sa Florida, duha sa Tennessee kag isa sa Virginia.
Nagapabilin naman ang flash flood warnings sa bahin sang western North Carolina, suno kay National Weather Service director Ken Graham.
Ginalauman nga magakanay ang panahon sa mga apektado nga lugar sa Martes.
