Nabuhinan ang numero sang mga barko sang China sa West Philippine Sea (WPS).
Suno sa Philippine Navy, nagpanaog sa 157 nagikan sa 207 ang numero sang mga barko sang China sa kalalawran nga sakop sang exclusive economic zone sang Pilipinas.
123 sa mga ini ang Chinese maritime militia vessels, 26 ang China Coast Guard ships, pito ka People’s Liberation Army Navy warships, kag isa ka research vessel.
Nasiplatan ang mga ini sa Bajo de Masinloc, Ayungin Shoal, Pagasa Islands, Lawak Island, Panata Island, Escoda Shoal, kag Iroquois Reef.
Nahibaluan nga tubtob subong may tensyon sa gihapon sa tunga sang China kag Pilipinas bangud padayon nga nagalakbang ang mga barko sang Beijing sa teritoryo nga sakop na sang pungsod.
Padayon naman nga wala ginakilala sang China ang desisyon sang international arbitration tribunal sa The Hague sang tuig 2016 nga nagabasura bangud wala sang balasehan ang klamar sang mga ini.
