Ginkumpirma ni National Task Force on the West Philippine Sea (NTF-WPS) spokesperson Rear Admiral Roy Vincent Trinidad ang plano sang gobyerno nga padalumon pa ang military ties sini sa Taiwan.
Suno kay Trinidad, may ara na sang pag-isturya sa tunga sang Pilipinas kag Taiwan para himuon nga regular ang transit ukon paglabay sang mga barko nga pandigma sa Taiwan Strait, ang dagat nga nagapatunga sa mainland Taiwan kag China.
Ang amo nga tikang, suno pa saiya, isa ka bahin sang handum sang pungsod nga mapadalom pa ang relasyon-militar sa tunga sang Pilipinas kag Taiwan.
Posible man ini magresulta sa pormal nga joint military activities sa tunga sang duha nga pungsod.
Nagapati si Trinidad nga mas madamo pa nga makit-an nga cross-strait transit sang mga warship sang Pilipinas kag Taiwan, ilabi na sa masunod nga mga adlaw kon diin ginapaabot nga ma-pormal ini.
Suno sa Navy official, gusto sang gobyerno sang Pilipinas nga himuon ini nga long-term, kag indi lang temporaryo nga relasyon.//Sa subong, wala sang official diplomatic ties sa tunga sang Pilipinas kag Taipei bangud sang pagsunod sang pungsod sa One China policy.
