Nagpasidaan si National Security Council Assistant Director General Jonathan Malaya sa China batok sa posible nga militarisasyon ukon pagtukod sang mga pasilidad sa Bajo de Masinloc.
Suno kay Malaya, ini ang isa sa mga pinaka ginabantayan sang Pilipinas, labi na gid nga permi may presensya sang mga barko sang China sa amo nga lugar.
Naga-pangduha-duha siya nga may posibilidad nga magtukod ang China sang artificial nga mga isla sa amo nga bahura kag himuon ini bilang isa ka militarized zone.
Ginpanindugan ni Malaya nga klaro ang legal nga estado sang BDM bilang parte sang teritoryo sang Pilipinas, gani kon himuon ini sang China, isa na ini ka paglapas sang “red line” sang Pilipinas kag sigurado nga may angay nga sabat ukon aksyon ang gobyerno.
Suno sa NSA official, andam ang gobyerno sang Pilipinas nga protektahan ang iya katungdanan kag katungod sa amo nga maritime feature nga yara pa gihapon sa sulod sang exclusive economic zone sang pungsod.
Ang Bajo de Masinloc amo ang pangunahan nga lugar pangisdaan sang mga Pilipino, labi na gid ang mga mangingisda nga naga-istar sa Zambales, isa sa mga probinsya nga malapit sa West Philippine Sea.
