KORONADAL CITY– Ginpaboran sang 33rd Infantry Battalion Philippine Army ang pagdeklarar ni President Rodrigo Duterte bilang mga terorista ang New Peoples Army.
Sa interbyu sang Bombo Radyo Koronadal kay Lt. Col. Harold Cabunoc, Commanding Officer sang 33rd Infantry Battalion Philippine Army, ginpahayag sini nga madamo nga anggulo ang ginalantaw kun ngaa gilayon sila nga gindeklarar nga terorista.
Samtang pila ka dekada na suno pa ang NPA kag napamatud-an nga sila ang mga terorista bangud sa mga ginahimo nga mga krimen kasubong na lamang sang arson, roadside bombing, extortion, pagpatay kag iban pa.
Bilang tagadepensa suno pa sang pungsod magasunod ang Philippine Army sa mandato ni Pres. Rodrigo Duterte ilabi na sa pagpakigbato sa rebelde kag terorista nga NPA.
