KORONADAL CITY- Nagpadala sang proof of life sa mga otoridad ang rebelde nga New People’s Army (NPA) sa duha ka suldado nga ila gin-abducat sang tinalikdan nga semana sa Brgy. Telafas, Columbio Sultan Kudarat. nga ginkilala kanday Sgt. Samuel Garay kag PFC Solaiman Calocop sang 39th IB Philippine army.
Ini ang ginpalab-ot nga impormasyon sa Bombo Radyo Koronadal ni P/SInsp. Bernard Francia, hepe sang Columbio PNP.
Isa suno pa ka audio recording nga yara ang tingog sang nasambit nga mga suldado ang ginpadala sang NPA agud pamatud-an nga buhi pa ang mga ini.
Ginpahayag naman suno pa sang rebelde nga grupo nga yara sa maayo nga kahimtangan ang duha nila ka bihag kag wala nila ginasakit ang mga ini bangud ila suno pa nga ginarespeto ang tawhanong kinamatarong sang mga suldado.
