KORONADAL CITY- Gin-awhag ni 1st Lt. John Arvin Maunahan tagpamaba sang 27th IB Philippine Army ang mga katapo sang New People’s Army nga hingalitan ang tion sang Byernes Santo agud pamalandungan ang ila mga ginahimo.
Dugang pa sini nga subong nga Semana Santa, nagakadapat nga magsakripisyo ang rebelde kag komunista nga grupo pinaagi sa pagbilin na sang ila nga ideolohiya kag magbalik sa gobyerno.
Nagakadapat man nga huna-hunaan sang mga ini kun nagakadapat pa bala kag may lugar pa bala ang pagrebelde sa pihak sang mga ginatanyag nga kalinong, bulig kag reporma sang gobyerno para sa ila.
Tuman man ka layo sadto ang panahon sadto kag subong ilabi na ang mga pagpamuno sang administrasyon bangud may yara na sang kahilwayan ang mga Pilipino kag ginahatagan man sang patas nga kinamatarong sa sosyodad.
Ginpasiguro man sini nga nakahanda sa gihapon ang gobyerno sa pagbaton sa mga NPA surrenderees nga makapamalandong kag luyag nga magbalik
