KORONADAL CITY – Gindeklarar nga persona non grata sang militar ang Communist Party of the Philippines (CPP) kag armed group sini nga New People’s Army (NPA) sa North Cotabato.
Ginhimo ni 6th IB Phil Army Commander Major General Cirilito Sobejana ang deklarasyon kadungan sang provincial peace and order council meeting sa Amas Amas Provincial Capitol.
Ginakabig naman sang AFP nga welcome development ang pagdeklarar sang NPA nga persona non grata halin sa nagkalain-lain nga mga sektor.
Nagapanawagan man si Sobejana sa publiko nga indi pagkilalahon kag suportahan ang mga NPA.
Nagtambong sa nasambit nga aktibidad sanday PRO-12 Regional Director Brigadier General Eliseo Tam Rasco kag AFP Western Mindanao Command chief Lt. Gen. Arnel dela Vega.
Nahibaloan nga naga-operar ang CPP-NPA Guerilla Fronts 72 kag 73 sa North Cotabato, partikular na sa mga banwa sang Arakan, Antipas, President Roxas, Magpet, Kidapawan City, Tulunan kag Makilala.
