KORONADAL CITY– Nagpatigayon sang pagsinapok ang 27th Infantry Battalion kag 33rd Infantry Battalion angot sa nagalala nga tensyon sa tunga sang Manobo tribe kag sang Consunji farms sa border sang Lake Sebu South Cotabato kag Bagumbayan Sultan Kudarat nga ginamanipula sang komunista kag rebelde nga New People’s Army.
Nahibaluan nga sa nasambit nga pagsinapol nadesisyunan ni Lt. Col. Benjamin Leander commanding officer ng 27th IB at Lt. Col. Harold Cabunoc, commanding officer sang 33rd IB nga pahugtan pa ang paglagas sa nasambit nga grupo matapos matukiban nga ginamanipula sang mga ini ang tensyon paagi sa pagp-alapta sang sala nga impormasyon angot sa agaway sang teritoryo paagi sa tribo nga Manobo kag sang Consunji farms.
Dugang pa sini amo ang pag-insister sang mga rebelde sa mga lumad nga ginkawatan ang mga ini sang kinamatarong sa ila nga duta kag ginaprotehiran sang mga militar ang mga manggaranon nga negosyante sa lugar kag sila ang mga biktima sang pagpang-abuso.
Ginagamit man suno pa ini nga estilo sang rebelde agud nga makapang recruit sila sang mga bag-o nga miyembro agud mag-alsa batuk sa gobyerno kun diin masobra 500 ka mga lumad ang bag-o nga myembro sang NPA.
Bangud sa nasambit nga hitabo, naalarma ang militar kag nakigsapol sa alkalde sang Lake Sebu nga si Mayor Antonio Fungan, council members, village chief kag ang IP Mandatory representatives sang amo nga banwa agud nga mauntat na ang pagpangrecruit sang mga lumad.
