KORONADAL CITY – Gin-ako sang rebelde nga New People’s Army (NPA) ang pag-atake kag pagpangsunog sa warehouse kag mga heavy equipment sang isa ka banana plantation sa banwa sang Tboli, South Cotabato.
Suno kay Ka Dencio Madrigal, tigpamaba sang Valentin Regional Operations Command-Far-South Mindanao Region sang NPA, ila nga mga tinawo gikan sa sa sub-regional command ang nag-atake sa banana plantation nga ginapanag-iyahan sang Sumifru Corporation sa Barangay Dumangas sa nasambit nga banwa.
Ginhimo sang NPA ang pag-atake bilang penalidad sa ginhimo nga pagpang-agaw sang duta, pag-guba sang kinaiyahan kag ginapatuman nga unjust labor policy.
Nahibaluan nga ginsunog sang mga rebelde ang packing plant, warehouse building, 2 container van kag 2 truck sang Sumifru kun diin naglab-ot sa masobra P6M ang ginbilin nga damyos sang mga ini.
Magluwas sa pagsunog sa mga kagamitan sang nasambit nga plantasyon gindis-armahan man sang mga ebelde ang naka-duty nga guwardiya.
Samtang, hugot namna nga ginkundenar sang provincial government sang South Cotabato ang ginhimo nga kalakasan sang mga rebelde.
