KORONADAL CITY- Ginturnover na sa South Cotabato Provincial Jail ang isa ka amasona ukon NPA kumander na natikma sang gintingob nga pwersa sang 27th Infantry Barttalion Philippine Army, South Cotabato PNP kag Surallan PNP.
Sa eklusibo nga interbyu sang Bombo Radyo Koronadal kay PCI Jardi Mont Sibal hepe sang Surallah PNP, ginadakop si Ofelia Buanho alyas “Kumander Dikay” 55 anyos, sang NPA Guerilla Front 73 sa Brgy. Centrala, Surallah South Cotabato bangud sa kaso sini nga ginalakipan sang Frustrated Murder, Arson, Rebellion kag paghupot sang mga indi lisensyado nga armas kag mga eksplosibo.
Nahibaluan nga duda ang militar kag PNP sa tinutuyo ni Kumander Dikay sa pagpadulong sa probinsya bangud posible nga may kaangtanan ini sa ginaluto nga Red October nga may tinutuyo suno pa nga pahalinon si Pres. Rodrigo Duterte sang komunista nga grupo kag sang oposisyon.
