KORONADAL CITY – Nakahanda suno pa nga atubangon sang 1 ka NPA Guerilla Front 73 commander kag sang 1 ka amazona ang mga kaso nga ila ginakaulamiran makaligad magsungka sa gobyerno.
Ini makaligad yara na sa kustodiya subong sang mga otoridad sa nasambit nga banwa ang 2 ka mga myembro sang NPA nga sanday Simitong Garcito alyas Marko kag Jean Garcito alyas Jen.
Nahibaluan nga si Simitong ang isa sa mga kumander sang NPA Guerilla Front 73 nga naga-operate sa nabukid nga bahin sang South Cotabato kag pila ka bahin sang Sultan Kudarat.
Kadungan sang ila pagbalik sa gobyerno, narekober man sa posisyon sang mga ini ang isa ka landmine, M18 claymore mine, iban pa nga improvised explosive device kag cal. 45 nga armas luthang.
Nahibaluan man nga ang nasambit nga mga rebelde ang yara sa likod sang pagpangsunog sang dako nga banana plantation sa T’boli, pagkidnap kay PFC Subere sang tuig 2015 kag extortion.
Samtang sa pihak sini handa naman ang lokal nga gobyerno sang Tboli sa pagpanguna ni Mayor Dibu Tuan nga maghatag sang assistance sa ila bilang pagsungka kun sa diin nakahanda man ang mga ini nga ibuyagyag ang mga nahibaluan angot sa komunista kag rebelde nga grupo mangin man ang mga personalidad nga nagasuporta sa ila.
