KORONADAL CITY – Napatay sang mga otoridad ang ginatudlo nga notoryos sub-leader sang BIFF nga involbado sa nagkalain-lain nga krimen kasubong sang pagpamomba, cattle rustling, drug peddling, hold-up kag iban pa.
Ginkilala ni 601st Infantry Brigade commander Brig Gen. Roy Galido ang napatay nga si Abdulatip Pendaliday, alias “Commander Grasscutter,” nga katapu sang BIFF.
Suno kay Galido, nagpatigayon sang clearing operations ang hubon sang 601st brigade kag Datu Paglas PNP sang makaengkwentro nila ang ginabulubanta 10 ka mga BIFF sa Barangay Lipao, Datu Paglas, Maguindanao.
Bangud sa engkwentro nagkambyuhanay sang lupok ang duha ka bahin kun diin naigo si Commander Grasscutter nga gilayon ginbawian sang kabuhi samtang pilason naman ang iban nga kaupod sini nga nakapalagyo.
Wala nama sang may napilasan sa bahin sang gobyerno.
Nakuha sang mga suldado kay Grasscutter ang apat ka cal. 45 pistol, isa ka cal. 38 revolver, isa ka Granada kag mga gamit sa paghimo sang home-made bomb.
Kadungan sini, gin-alerto naman ni Galido ang tanan nga tropa sang 601st brigade bilang preparasyon sa posible nga retaliatory attack sang BIFF
