KORONADAL CITY – Ginabulong na subong sa South Cotabato Provincial Hospital ang isa ka drug pusher makaligad ini nga magbato sa mga otoridad sa ginpatigayon nga drug buy bust operation sa Purok Ramos, Barangay Sta. Cruz Koronadal City.
Ginkilala ni CADAC Action Officer Glorio Sandig ang pilason nga suspek nga si Eduardo Dolendo, yara sa legal nga edad kag residente sang nasambit nga lugar.
Sun kay Sandig na si Dolendo aang isa ka anay preso nga suspek nga hana man kuntani nga magpasulod sang adobo nga may shabu sa lock-up cell sang Koronadal City PNP.
Sa natabo nga operasyon, nag-angkon sang igo sang bala sa dughan kag natuo nga tuhod si Dolendo.
Samtang, nakuha naman sa posisyon sini ang isa ka big pack, 4 ka medium pack sang ginapatihan nga shabu,nagkalain-lain nga drug paraphernalia kag armas luthang.
Nahibaluan nga si Dolendo ang nakaguwa sa presuhan sang Abril 2016 matapos makapiyansa.
