Ginbawian sang kabuhi ang ginapatihan nga notoryos nga carnapper sa nagluntad nga checkpoint shootout sa boundary of Barangay Ginatilan kag Brgy. Balong, Tugunan (SGA-BARMM).
Ginkilala ang napatay nga si alyas Kabuto, 24 anyos, may asawa kag residente sang Barangay Balong, Tugunan, SGA BARMM.
Suno sa mga otoridad, ginamaneho sang suspek ang Suzuki Raider 150, color red/black sang nag-agi ini sa checkpoint sang natalupangdan sang isa ka suldado ang motorsiklo nga wala sang yabi kag guba ang ginasusian sini rason nga ginpapundo ini kag ginpangitaan sang mga dokumento.
Apang sa baylo nga magpundo, nagbunot ini sang caliber 45 kag ginluthang ang suldado nga nagpapundo sa iya.
Gilayon man nga nagbalos sa pagpalupok ang suldado nga gintunaan sang pagkapatay sang suspek.
Narekober sa posisyon sang suspek ang isa ka (1) unit COLT MK IV made (homemade) nga may loaded sang anum ka live ammos.
Gilayon naman nga ginlubong ang suspek sandig sa Traditional Islam burial.
Natukiban naman nga ang motorsiklo nga dala sang suspek ang isa ka carnap motorcycle sa gain sang Purok Bougainvillea, Brgy. Batiocan, Libungan, Cotabato.
