KORONADAL CITY – Yara na sa kustodiya sang mga otoridad ang isa ka notoryos nga kidnap for ransom suspek makaligad nga madakpan sang gintingob nga pwersa sang 33rd Infantry Battalion kag General Salipada K. Pendatun Municipal Police station sa isa ka checkpoint.
Ini ang ginkumpirmar sa Bombo Radyo Koronadal ni 33rd Infantry Battalion commanding officer Lt. Col. Harold Cabunoc.
Ginkilala ang suspek nga si Adam Ugalinan, 44 kun diin kaupod sini ang bata nga si Pahmodin Adam,16 sang madakpan sang mga otoridad.
Suno kay Cabunoc, nadakpan ang suspek samtang padulong sa Badak Village kun diin nakuha sa posisyona sini ang duha ka garand rifles nga gintago sini sa sako.
Nahibaluan nga si Ugalinan ang prime suspect sa pagkidnap kay Pipao Ang sa Mlang North Cotabato sang gobernador pa si DA Secretary Manny Piñol.
Kaangot sini, ginpahugtan pa sang mga otoridad ang pagbantay sa possible nga retallation sang mga kaupod ni Ugalinan.
