KORONADAL CITY- Nakatalana na nga pasakaan sang kaso ang isa sa mga notorious nga drug supplier sa South Cotabato kag Sultan Kudarat makaligad ang nagluntad nga operasyon sang Isulan PNP batuk sa iligal nga droga sa Brgy. Kulambog Isulan Sultan Kudarat.
Sa interbyu sang Bombo Radyo Koronadal kay Police Supt. Joefel Siason hepe sang Isulan PNP, nagpatigayon sang operasyon ang kapulisan batuk sa mga durugista makaligad mamonitor ang ila iligal nga transaksyon kun sa diin nagresulta sa engwentro sa tunga sang pwersa sang kapulisan kag mga suspek.
Samtang nakapanginlaman man ang mga suspek sa operasyon sang PNP kun sa diin nahimo pa sang mga ini nga magpalagyo kag didto na nagluntad ang engkwentro nga tubtob naglab-ot pa sa banwa sang Sto. Niño kag nagresulta sa kamatayon sang suspek nga si Regie Bunghe “alyas Macho” nga residente sang Brgy. Dajay Surallah, South Cotabato makaligad magbato usar ang cal. 45 nga armas.
Arestado man ang kaupod sini nga si Melvin Paulo nga residente sang Sto. Niño South Cotabato.
Narekober sa mga suspek ang isa ka armas kag 2 ka pakete sang shabu kag drug money.
Sa subong yara na sa punerarya ang napatay samtang ang drug suspek nga natikma ang natalana na nga pasakaan sang nagakaigo nga kaso.
