KORONADAL CITY- Napasakaan na sang kaso nga paglapas sa RA 9165 o Comprehensive Dangerous Drugs Act of 2002 ang notorious drug suspect nga si Glenn Lim Azarcon alyas “Bobong” makaligad matikma sa ginpatigayon nga anti-illegal drugs operation sa isa ka inn sa Marañon Blk. 9 sa syudad sang Koronadal.
Madumduman nga suno sa impormasyon sang mga otoridad, naaktuhan nga nagapakighilawas ang suspek sa isa ka GRO sa tunga sang ginkasa nga drug operation sa sulod sang inn kun sa diin hublas ang mga ini sang maabtan sang pwersa sang Koronadal City PNP.
Gilayon naman nga ginpailis ang kaupod sini nga babaye nga ginkilala lamang kay alyas Marie samtang gin arestar gilayon ang suspek.
Nakuha naman sa posisyon sang suspek ang 1 jumbo pack, 1 big sachet, 1 large sachet, 1 medium pack sang ginapatihan nga shabu, 1000 peso bill kag mga drug paraphernalia.
Nahibaluan nga gilayon nga ginhilway ang kaupod sini nga babaye apang nagreklamo ini makaligad nga wala ginbayaran sang P1,000 sang drug suspect nga una sini ginpromisa sa oras nga matapos ang ila pakighilawas.
