Nagmando si North Korean leader Kim Jong Un nga dugangan pa sang nuclear armament sang ila mga navy vessels.
Ginpatuman ni Kim ang direktiba matapos niya masaksihan ang una ng adlaw sang two-day weapons test sang bag-o nga destroyer sang North Korea nga Choe Hyon.
Suno sa report halin sa state-run media, nagsiling siya nga nag-abot na ang panahon agud maghimo sang responsable nga desisyon agud mapataas pa ang nuclear armament sang ila navy, agud maproteheran ang estado kag ang ila maritime sovereignty batok sa mga banta sa karon kag sa palaabuton.
Nauna na ginreport sang state media sang Sabado ang paglunsyar sang bag-o nga destroyer.
Ang ngalan sang barko ginpili halin sa nagtaliwan North Korean anti-Japanese fighter, kag may kabug-aton ini nga 5,000 tonelada, kag nagkuha sang sobra isa ka tuig agud mapatukod.
