Nagpadala ang North Korea sang 10,000 ka mga suldado agud nga maghanas sa Russia suno sa Estados Unidos.
Nahibaluan nga ang Pyongyang kag Moscow ang may mutual defense pact kag ginapatihan nga naga-suplay sang armas sa diin ang pag-deploy sang tropa ang panibag-o nga escalation sang giyera.
Madumduman, una na nga nagpaandam si Ukrainian President Volodymyr Zelensky nga ang North Korea ang maga-deploy sang 12,000 ka suldado sa Russia sa diin ginbatikos ni US President Joe Biden nga isa ka delikado nga tikang.
Samtang, gin-anunsyo ni Deputy Pentagon Press Secretary Sabrina Singh nga nagpadala sang 10,000 ka mga suldado sang DPPK agud maghanas sa eastern Russia nga posible nga magbulig sa Russian forces batok sa Ukraine sa masunod nga mga semana.
Gintawag naman ni NATO chief Mark Rutte sang troop deployment nga isa ka delikado nga expansion sang Russian war kag senyales sang pagka-desperado ni Vladimir Putin.
