KORONADAL CITY – Hugot nga ginpanginwala sang North Cotabato PNP nga naulamid ang mga pulis sa brutal nga pagpangluthang sa 9 ka tawo sa banwa sang Kabacan nga ginkapatay sang mga biktima.
Suno kay North Cotabato Police Provincial Director Col. Henry Villar nga wala sang kaangtanan ang mga pulis sa pagpangluthang sa mga biktima.
Sa pagkamatood, sila suno pa ang una nga naghulag agud idangat sa ospital ang mga ito agud maluwas pa ang mga biktima sang pagpangluthang.
Nagapanawagan man ini sa mga pumuluyo nga indi basta magpati sa mga nagalapta nga mga post sa social media.
Reaksyon ini sang opisyal makaligad nga ginbuyagyag sang pila ka netizen nga pila ka mga pulis suno pa ang naulamid sa pagpangluthang sa USM-granary and machinery.
Ginbuyagyag man suno pa sang isa sa mga biktima sang pagpangluthang nga mga pulis suno pa ang nagluthang sa ila, antes ginbawian sang kabuhi.
