KORONADAL CITY- Gintay-og liwat sang magnitude 4.6 nga linog ang probinsya sang North Cotabato partikular na ang banwa sang Tulunan, ini apat ka adlaw makaligad gintay-og man sang 4.9 nga linog ang kalapit nga banwa sini nga Makilala, North Cotabato.
Suno sa Philippine Institute of Volcanology and Seismology ukon PhiVocs, tectonic ang origin sang linog nga yara sa 10 kilometros sa nasidlangan nga bahin sang Tulunan, NoCot.
May kadalumon ang pagtay-og sang 12 kilometros kun sa diin nakapagkit man sang intensity II sa Kidapawan City kag intensity I sa Tupi, South Cotabato.
Nakapagkit sang mga cracks sa pila ka buluthuan kag pila ka edifisyo sang nasambit nga banwa.
Wala naman sang napagkit nga patay ukon pilason sa pagtay-og apang ginalauman ang aftershocks.
