KORONADAL CITY-Ginpalakpakan sang bag-o nga Regional Director sang Mines and Geosciences Bureau (MGB) Region XII nga si Engr. Efren B. Carido ang pahayag ni President Rodrigo Duterte nga kun mahimo ipatuman ilabi na sang mga Regional Directors ang “NO NOONTIME BREAK” sa tanan nga mga talatapan.
Sa interbyu sang Bombo Radyo kay Director Carido, ginpahayag sini nga malipayon siya nga namensyunar sang Presidente ang no to noontime break bangud isa ini sa mga ginapatuman sa ila nga talatapan.
Gin ako man sang opisyal nga mismo siya ang nagabalon kag sa iya nga talatapan nagakaon kun sa diin mangin ang mga tawo sini wala man nagadungan bangud may yara sila sang officer of the day nga amu angn naga atipan sa mga kliyente kun udto.
Gintawag naman sini nga welcome ang pronouncement nga ini ni Digong bangud makabulig ini nga maimproba pa ang mga talatapan sang gobyerno nga mamanage ang ila tagsa ka ahensya.
