KORONADAL CITY – Kuntani wala ginlakip ang probinsiya sang South Cotabato sa deklarasyon sang Martial law bangud malinong kag wala sang kinagamo sa probinsiya.
Ini ang ginpahayag ni Bishop Dinualdo Gutierrez sang Diocese of Marbel bilang reaksiyon sa deklarasyon sang Martial law sa bug-os nga isla sang Mindanao.
Suno kay Bishop Gutierrez, magapabilin ang stand sang simbahan nga “No to martial law, Yes to God’s law!”.
Apang sa pihak sini, nagapati sa gihapon ang obispo nga indi magdesisyon ang pangulo para sa kapahamakan sang mga pumuluyo sang Mindanao.
Dako man ang kumpiyansa sini nga indi maghimo sang paglapas sa human rights law ang mga militar kag kapulisan sa probinsiya apisar nga ginpaidalom na sa martial law ang probinsiya.
Kadungan sini, nagpanawagan ang Obispo sa mga pumuluyo nga magpangamuyo para sa kalinong, mangin alerto kag magkooperar sa mga otoridad.
